Hoe het jy uit die hemel geval, o môrester, seun van die dageraad! Hoe lê jy teen die aarde neergeslaan, oorweldiger van die nasies!

Dan sal jou lig deurbreek soos die dageraad en jou genesing skielik uitspruit; en jou geregtigheid sal voor jou uit gaan, die heerlikheid van die HERE jou agterhoede wees.

Want kyk, Hy wat die berge formeer en die wind skep en aan die mens sy gedagte bekend maak, wat die dageraad duisternis maak, wat op die hoogtes van die aarde wandel, HERE, God van die leërskare, is sy Naam!

Mag die sterre van sy môreskemering verduister word; mag hy wag op lig, maar tevergeefs, en die ooglede van die dageraad nie sien nie.

Het jy, solank as jy lewe, die môre ontbied, die dageraad sy plek aangewys,

Sy genies laat lig skitter, en sy oë is soos die ooglede van die dageraad.

Vir die musiekleier; op die wysie van: "Die hert van die dageraad." 'n Psalm van Dawid.

Waak op, my eer! Waak op, harp en siter! Ek wil die dageraad wakker maak!

Waak op, harp en siter! Ek wil die dageraad wakker maak.

U volk sal baie gewillig wees op die dag van u krygsmag; in heilige feesgewade, uit die moederskoot van die dageraad sal vir U wees die dou van u jong manskappe.

Neem ek die vleuels van die dageraad, gaan ek by die uiteinde van die see woon,

Wie is dit wat daar opkom soos die dageraad, mooi soos die maan, rein soos die son, verskriklik soos slagordes met vaandels?

Tot die wet en tot die getuienis! As hulle nie spreek volgens hierdie woord nie, is hulle 'n volk wat geen dageraad het nie.